GIĽI 75
Me som adaj! Bičhav man!
(Izaiáš 6:8)
-
1) But nipi leske na paťan,
leskere navestar asan.
Phenen, hoj nane zoralo,
hoj o Del hin ča o Čhavo.
Ko pes vaš leske zaačhel?
Ko le Jehovas ašarel?
(REFREN 1)
Bičhav man, Devla, adaj som!
„Vaš tuke furt zaačhiľom!“
Me rado oda kerava, phen!
Adaj som, imar džava.
-
2) Le Jehovas na prindžaren,
daran, hoj e bacht našaven.
Ko obraza pes modľinen,
le manušenge služinen.
Ko o čačipen phenela?
Le Jehovaske služinla?
(REFREN 2)
Bičhav man, Devla, adaj som!
„Pal tute čačo furt phenďom!“
Me rado oda kerava, phen!
Adaj som, imar džava.
-
3) But nipi pes ča trapinen,
na kamen o nalačhipen,
našťi arakhen čačipen,
hin len mosardo dživipen.
Ko lenge phenla pal o Del?
Ko lenge šaj pomožinel?
(REFREN 3)
Bičhav man, Devla, adaj som!
„Sar kampľa furt pomožinďom!“
Me rado oda kerava, phen!
Adaj som, imar džava.
(Dikh mek Žalm 10:4; Ezech. 9:4.)
