1) Andre kodi kňižka hine o lava,

hoj „e dar, e dukh imar na ena.“

Lakere lavendar zoraľuvaha:

„Kore dikhena, mule dživena!“

E Biblija hiňi le Jehovastar,

o lačhe murša la pisinenas,

on sas ľigende svatone duchoha,

le Devleskero hlasos šunenas.

2) Pisinde, hoj o Del savoro kerďa,

o ňebos, e phuv the o dživipen.

Šaj genas, hoj, choč o Adam zhrešinďa,

šaj dživas pro furt bijo meriben.

Genas, sar pes vzburinde o aňjela

proci le Devleske andro ňebos,

hoj lenca avľa pre phuv bari žaľa,

vašoda len užarel o trestos.

 3) Akana savore radisaľuvas:

„Le Devleskero Čhavo kraľinel.“

E lačhi sprava pal oda vakeras,

ko kamel, leha džas te študinel.

Paľikerav, hoj le Devleskero lav,

e Biblija, e bari goďi del,

šaj la genav, lake šaj achaľuvav,

a chudav e zor, so del ča o Del.