Te sal terno naboldo zvestovaťeľis abo študines e Biblija, kames tut te bolel? Soske tut kames te bolel? Te deha tiro dživipen le Jehovaske a boleha tut, aleha barola mek buter tiro vzťahos le Jehovaha. (Ža 91:1) O boľipen tuke tiš šaj anel o dživipen pro furt. (1Pe 3:21) So tuke pomožinela ko boľipen?

Av korkoro pre kada, či oda, so študines hin čačipen. Te varesoske na igen paťas, korkoro peske pal ada buter preštudin. (Rim 12:2) Keres o zmeni vašoda, bo kames, kaj o Jehovas te radisaľol? (Prí 27:11; Ef 4:23, 24) Mang furt le Jehovas, kaj tuke te pomožinel. Šaj paťas, hoj o Jehovas tut zoraľarela prekal o svato duchos. (1Pe 5:10, 11) De andre kada calo jilo a zadživeha o lačhipen. Nekfeder so šaj keres hin, hoj deha tiro dživipen le Jehovaske! (Ža 16:11)

DIKH O VIDEJO O DROM KO BOĽIPEN, A VAKEREN PAL ALA OTAZKI:

• So šaj zadživas anglo boľipen?

• So pomožinela, kaj tiri vjera te barol a paľis kameha te del tiro dživipen le Jehovaske?

• So vareko mušinďa te kerel, kaj pes te bolel?

• Savo lačhipen užarel olen, so dine peskero dživipen le Jehovaske?

• So hin oda, hoj des peskero dživipen le Jehovaske a boles tut?