E vera maškar o rom the romňi, hiňi predal o Jehovas svato. O Jehovas phenel, hoj o rom la romňaha pes mušinen te ľikerel jekh avrestar. (Mat 19:5, 6) Maškar o Jehovaskero ľudos šaj dikhas but šukar manželstva. Ňisavo nane dokonalo. Pharipena hin sakones. Aľe našťi keras sar ada svetos, hoj sar aven o pharipena, rozdžan pes. Sar zoraľaraha amaro manželstvo?

Duminaha pal o pandž veci, so šaj keras.

1. Merkin tuke pro jilo, kaj te na keres pal avreste a ma dikh pro džungaľipen, bo koda mosarel o manželstvo. (Mat 5:28; 2Pe 2:14)

2. Te tut ela zoralo vzťahos le Jehovaha, kameha leske te kerel radišagos the peskere manželstvoha. (Ža 97:10)

3. Ker, kaj tut te el feder natura, a paľis the andro cikne veci sikaveha peskere romeske, abo romňake tiri bari laska. (Kol 3:8–10, 12–14)

4. Presikaven peske e paťiv a vakeren peha, sar pes ciťinen. (Kol 4:6)

5. La laskaha de tire romes tira romňa koda, so patrinel andro manželstvo. (1Ko 7:3, 4; 10:24)

Te presikavas andro manželstvo e paťiv, presikavas paťiv the le Jehovaske.

DIKH O VIDEJO MA PREAČH TE PRASTAL – DOĽIKER ODA, SAR MAJINES TE PRASTAL, A VAKEREN PAL ALA OTAZKI:

• Save pharipena paľis šaj aven maškar o rom e romňi?

• So andal e Biblija lenge pomožinela, te lengero kamiben imar nane kajso, sar sas?

• Save majinen ke peste te el o rom la romňaha, avka sar lenge phenel o Jehovas?

• So mušinen te kerel so duj džene, kaj lengero manželstvo te el zoralo?