Savo radišagos amenge keren amare bare zjazdi? Kavka sar o Židi ašarenas le Jehovas le inepenca, the amen pre amare bare zjazdi ašaras le Jehovas but phralenca pal calo svetos. Ode duchovňe čaľuvas, kaj te ačhas pašes paš o Jehovas. Sam igen rade, hoj ala ďivesa šaj avas amara fameľijaha the but phralenca pheňenca. Igen peske kada ceňinas, vašoda kodoj kamas te ačhel so trin ďivesa.

Te sam odoj kavka jekhetane, na kamas te duminel ča pre peste. Kamas te sikavel amari laska the avrenge. (Gal 6:10; Heb 10:24, 25) Šaj chudas o vudar varesave phraleske, pheňake, kaj te predžan. Abo zabešas o stolki, ča predal amari rodzinka. Kavka sikavaha, hoj sam jileskere. (Fil 2:3, 4) Pro bare zjazdi peske šaj arakhas but neve kamaraten. Anglo abo pal o zjazdos, abo prekal e prestavka šaj das duma varekaha, kas mek na prindžaras. (2Ko 6:13) A šaj amendar ačhen kamarata pro furt! A tiš, sar o zaujemci dikhena sar pes igen rado dikhas, šaj len oda chudel le jilestar a šaj služinen le Jehovaske amenca. (Ján 13:35)

DIKH O VIDEJO „E LASKA ŇIGDA NA PREAČHELA“! MEDZINARODNA BARE ZJAZDI, A VAKEREN PAL ALA OTAZKI:

• Savi laska presikade o phrala pro medzinarodno baro zjazdos 2019 le phralenge, so avle?

• Soske avka igen dičhol e laska maškar o phrala pheňa a koda, hoj ľikeras jekhetane?

• Sar o phrala, so dodikhen pre buťi le Jehovaskere svedkengeri sikade, sar majinel te dičhol e laska maškar amende?

• Sar o phrala andro Ňemciko the Južno Koreja sikade le phralenge peskeri bari laska?

• So kames jilestar te kerel?