Soha tut sako ďives mares? Hin tut but pro šero, sar tut starines pal e rodzinka? Korkoro barares le čhaven a hin oda pre tute imar but? Sal terno a keren tuke o čhave andre škola na mište? Sal phureder a furt buter nasvalo? Sakones hin varesave pharipena. But phrala pheňa kada savoro zadživen. Aľe džanas, hoj ada savoro nalačhipen maj preačhela. (2Ko 4:16–18)

Dži kana koda na preačhela, šaj pes zmukhas pro Jehovas, bo ov achaľol oleske, so predživas. Hino barikano andre amende, hoj sam leske verna a hoj oda ľikeras avri a vašoda amenge dela o lačhipen, savo sľubinďa. (Jer 29:11, 12) The le Ježišoske nane jekh, so predživas. Sar keras oda, so o Ježiš amendar kamel, šaj paťas le lavenge: „Me som tumenca.“ (Mat 28:20) Sar rozduminas, savi sloboda zadživaha tel e Devleskeri vlada, amari naďej barola a šaj ľikeras avri andro pharipena. (Rim 8:19–21)

DIKH O VIDEJO DIKHAS PRO JEŽIŠ, BO MAJ AVEL „E BARI BALVAJ“! – DIKHAS, SAVO LAČHIPEN UŽARAS, A VAKEREN PAL ALA OTAZKI:

• Sar pes o manuša visarde le Devlestar a ke soste koda ľidžalas?

• So užaren ola, so hine verna le Jehovaske?

• Soske šaj zadživas ajso lačhipen?

• Pre soste pes ťešines andro rajos?