Dživas andro svetos, kaj pro lačho phenen nalačho a pro nalačho lačho. (Iz 5:20) Napriklad, murš pašľol muršeha, džuvľi džuvľaha a kada le Jehovaske džungľol. The amare čhaven šaj andre škola vareko cirdel pre kajse džungaľipena. So šaj keres predal tire čhave, kaj pes te na den te scirdel?

Ma ladžan tumen te vakerel le čhavenca, sar pre kada dikhel o Jehovas. (3Mo 18:3) Vaker peskere čhavenca, so e Biblija phenel pal o seksualna veci kavka, kaj oleske te achaľon andre peskere berša. (5Mo 6:7) Phuč tutar: Sikhľarďom imar mire čhaven ko a sar len našťi chudel, sar na majinen te el urde a hoj ňiko na majinel te dikhel lengero nango ťelos? Džanen mire čhave, so majinen te kerel, te lenge vareko kamela te sikavel pornografija abo kamela, kaj te keren, so o Jehovas igen na rado dikhel? Te len imar akana sikhľareha, koda lenge pomožinela, kaj peske te na mosaren o dživipen. (Prí 27:12; Kaz 7:12) A tu kavka sikaveha bari laska ke tire čhave, save tut diňa o Jehovas. (Ža 127:3)

DIKH O VIDEJO KER O KHER, SAVO ĽIKERELA – DODIKH PRE PESKERE ČHAVE, KAJ TE DENAŠEN „LE NALAČHIPNASTAR,“ A VAKEREN PAL ALA OTAZKI:

• Soske pes vareko ladžal te vakerel peskere čhavenca pal o seksualna veci?

• Soske majinel e daj o dad te sikavel peskere čhaven a te del lenge kajsi goďi, savi hin le Jehovas? (Ef 6:4)

• Kaj šaj arakhel e daj o dad lačhe lava, sar te sikavel le čhaven pal o seksualna veci? (w19.05 12, ramčekos)

• Soske majinel e daj o dad buterval te vakerel peskere čhavenca pal ajse veci, sigeder sar pes vareso ačhela?