O Samuel ačhiľa verno le Jehovaske calo peskero dživipen. Sar čhavoro pes na diňa te scirdel pro nalačho drom sar le Eliskere čhave o Chofni the o Pinchas. (1Sa 2:22–26) O Jehovas sas leha andro terňipen. (1Sa 3:19) A andro phuripen dureder vernones služinelas le Jehovaske, the te leskere čhave na sas verna. (1Sa 8:1–5)

So šaj sikhľuvas le Samuelostar? Te sal terno, av tuke isto, hoj o Jehovas achaľol, so predžives a dikhel, sar tut ciťines. Ov tut del zor te el odvažno. (Iz 41:10, 13) Dajale dadale, dukhal tumen o jilo, hoj tumaro čhavo na služinel le Jehovaske? The o Samuel ada zadžiďiľa. Džanelas, hoj našťi ispidel dospela čhave, kaj te dživen avka, sar kamel o Jehovas. Diňa oda andre Jehovaskere vasta a dureder vernones kerelas peskere dživipnaha le Jehovaske radišagos. Te tumen ačhena verna, šaj oda pricirdel tumaro čhavo pale ko Jehovas.

DIKH O VIDEJO AVEN SAR ON – O SAMUEL A PAĽIS VAKEREN JEKHETANE:

• Sar o cikno Samuel sikaďa e odvaha?

• Sar o Deni sikaďa e odvaha?

• So lačho sikhľuvas le Samuelostar, kana sas phuro?

• So šukar sikhľuvas le Deniskere roďičendar?