Bijo zhromažďeňa našťi mištes služinas le Jehovaske. (Ža 22:22) Sako, ko odoj ašarel le Jehovas, radisaľol a dochudel ča lačho. (Ža 65:4) Te o zaujemcas phirel pre dojekh zhromažďeňe, šaj sigeder prekerel peskero dživipen.

So šaj keras, kaj o zaujemci te phiren pro zhromažďeňa? Ma preačh len furt te vičinel! Sikav lenge o videjo So pes kerel andro kher, kaj pes zdžan le Jehovaskere svedki? Phen, so lačho lenge kola zhromažďeňa dena. (lff lekcija 10) Šaj lenge phenes, so šukar sas pro zhromažďeňe kada kurko. Abo lenge ker šmakos pre oda, so pro zhromažďeňe ela. De len kňižki the časopisa, so pes rozkiden pro zhromažďeňe. Te pes del, šaj keres mek vareso predal tiro zaujemcas. Šaj el, hoj kampela vaš leske te džal. Na bajin, hoj diňal sa andre koda, kaj o zaujemcas peršovar te avel pro zhromažďeňe. (1Ko 14:24, 25)

DIKH O VIDEJO POMOŽIN LE ZAUJEMCENGE, KAJ TE PHIREN PRO ZHROMAŽĎEŇA A PAĽIS VAKEREN JEKHETANE:

• Soske e Nita pale vičinďa la Rous pro zhromažďeňe?

• Soske igen radisaľuvas, te o zaujemcas phirel pro zhromažďeňa?

• So zadžiďiľa e Rous, sar avľa peršovar pro zhromažďeňe?