Le Devleskero lav šaj prekerel amaro dživipen. (Heb 4:12) Aľe te kamas, kaj amen te el bari chasna olestar, savi amen del goďi, the sar amen ľidžal, musaj čačes te paťas, hoj oda hin „o lav le Devlestar“. (1Te 2:13) Sar šaj zoraľaras amenge o paťaviben andre Biblija?

Sako ďives tuke gen vareso andal e Biblija. Sar la genes, rode, sostar dičhol, hoj e Biblija hiňi čačes le Devlestar. Le tuke o lava andal o Príslovia. Premišľin, savi čačes hin odoj bari goďi, savi amenge pomožinel the adaďives. (Prí 13:20; 14:30)

Rode tuke pal ada buter. Lačhes sprindžar, so hin pisimen andre amare članki pal oda, soske paťas, hoj e Biblija hiňi le Devlestar. Andre Pomôcka na vyhľadávanie v publikáciách Jehovových svedkov šaj dikhes andro kotor „Biblia“ a paľis „Inšpirovaná Bohom“. O lava andro Dodatok A3 andro Preklad nového sveta tuke pomožinena te zoraľarel tiro paťaviben, hoj e Biblija phenel furt oda isto sar varekana.

DIKHEN O VIDEJO SOSKE PAŤAS ANDRO…LE DEVLESKERO LAV A PAĽIS VAKEREN JEKHETANE:

• Sar oda, so arakhle pre chramoskeri fala andro Karnak andro Egypt, sikavel, hoj le Devleskero lav phenel čačipen?

  Pisin, so bi odphenehas

• Sar džanas, hoj e Biblija the adaďives phenel oda isto sar varekana?

  Pisin, so bi odphenehas

• Sar oda, hoj e Biblija predžiďiľa dži andre amare ďivesa, sikavel, hoj hiňi le Devleskero lav? (Pregen Izaiáš 40:8.)

  Pisin, so bi odphenehas