Soske kampel te el pripravimen? Dojekheske amendar pes šaj ačhel, hoj aňi na džanaha sar a sig amen ľidžana andre špitaľa. Vašoda imar akana ker sa, so hin andre tiri zor, kaj o dochtora paľis te keren khatar tute so nekfeder. Te sal avka pripravimen, sikaves e paťiv ko dživipen the ko Jehovaskero zakonos pal o rat. (Sk 15:28, 29)

Sar tut šaj pripravines?

• Mang le Jehovas, kaj tuke te del goďi a paľis tuke pisin avri e karťička Trvalé splnomocnenie (DPA). a Te sal imar boldo, šaj chudes kadi karťička le phralestar, savo pes starinel pal o publikaciji. Tiš tire čhavenge, savenge mek na sas 18 berš, šaj manges Preukaz totožnosti (ic)

• Te sal khabňi, mang le zborove phurederendar Informácie pre nastávajúce matky (S-401). Odoj šaj arakhes lačhi goďi, sar tut šaj pripravines pre oda savoro, so tut užarel le dochtorenca the andre špitaľa dži akor, sar pašľoha tele

• Te tut užarel ľječba, paš savi tuke šaj kamena te del o rat, abo džas andre špitaľa, de oda anglal te džanel le zborovone phurederenge. Andre špitaľa phen, hoj aveha rado, te ke tute avela the vareko le Jehovaskere svedkendar

Sar tuke šaj pomožinen o zborova phuredera? Šaj tuke pomožinen te pisinel avri e karťička Trvalé splnomocnenie. Aľe našťi užares le zborovone phurederendar, hoj vaš tuke kidena avri, so kereha. Tiš vareso hin ča pre tiro svedomje. O zborova phuredera tuke na phenena, so bi kerenas on. (Rim 14:12; Gal 6:5) Sar lenge pheneha, hoj tuke kampel lječba, paš savi tuke šaj kamena te del o rat, on vičinena so neksigeder le phralenge andal o viboris, so pes arakhel le dochtorenca.

Sar tuke šaj pomožinel o viboris, so pes arakhel le dochtorenca? Kala phrala hine sikhľarde avri te vakerel le dochtorenca the le pravňikenca. Pomožinen lenge, kaj te achaľon, sar dikhas pro rat. Šaj vakeren tire dochtoriha pal oda, sar bi pes tuke delas te pomožinel bijo rat. Te kampela, šaj tuke pomožinen te arakhel le dochtoris, savo tut na ispidela te prilel o rat.

DIKHEN O VIDEJO KER GOĎAVERONES TE DŽAL PAL O RAT A PAĽIS VAKEREN JEKHETANE:

• So šaj keres anglal, kaj te aves pripravimen, te pes vareso ačhela a kamena tuke te del rat?

  Pisin, so bi odphenehas