Andre kala agorutna ďivesa zadživas but bare pharipena. Varekana ciťinas, hoj hin oda pre amende imar but, hoj imar na birinas. Aľe te dureder keras sa, kaj te ačhas paš o Jehovas, ov amenge podel o vast, kaj te ľikeras avri, the andro nekbareder pharipena. (Iz 43:2, 4) Sar šaj ačhas paš o Jehovas, te zadživas pharipena?

E modľitba. Te čhoras avri amaro jilo le Jehovaske, ov amen del smirom andro jilo the e zor te ľikerel avri. (Fil 4:6, 7; 1Te 5:17)

O zhromažďeňa. Akana amenge nekbuter kampel te šunel o lava andal e Biblija a te el amare phralenca the le pheňenca. Kada sa amenge o Jehovas del pre amare zhromažďeňa. (Heb 10:24, 25) Te pes pripravinas, te pre lende phiras u te odphenas, avka domukhas, kaj amen so nekbuter te ľidžal le Jehovaskero duchos. (Zj 2:29)

Vakeras avrenca pal o Del. Te oda keras so nekbuter, radisaľuvas, bo na mišľinas avka but pro pharipena, so zadživas. Kadi buťi keras le Jehovaha the amare phralenca the le pheňenca a avka lenca ačhas mek feder prjaťeľa. (1Ko 3:5–10)

DIKHEN O VIDEJO O JEHOVAS AČHIĽA MIRO ČAČIKANO DAD A PAĽIS VAKEREN JEKHETANE:

• So pomožinďa la pheňake te ačhel paš o Jehovas, sar zadživelas o pharipena?

  Pisin, so bi odphenehas

• Sar the amen šaj podhazden o lava andal o Žalm 34:18 andre amare pharipena?

  Pisin, so bi odphenehas

• O Jehovas amen del igen bari zor akor, sar zadživas pharipena. Sar oda dičhol olestar, so zadžiďiľa e pheň? (2Ko 4:7)

  Pisin, so bi odphenehas