Sako berš igen radisaľuvas olestar, hoj avaha jekhetane pro Leperiben. Prekal ola čhona khatar o Leperiben kamas so nekbuter te ašarel a te paľikerel le Jehovaske vaš o nekbareder daros, vaš o vikupno. (Ef 1:3, 7) Keras oda avka, hoj cale jilestar vičinas avren pro Leperiben. Varesave amendar, imar anglal keren savoro, kaj te služinen sar čhoneskere prjekopňika andro marcos the apriľis. Andre kala čhona šaj kidas peske avri, či služinaha 30 abo 50 ori. Kames the tu te služinel buter akor, sar ela o Leperiben? So tuke šaj pomožinel, kaj oda te dochudes?

Čačipen hin, hoj lokeder vareso dochudas akor, te peske anglal bešas a premišľinas, sar oda keraha. (Prí 21:5) Vaš oda ma užar u imar akana pal oda premišľin, bo aňi na džaneha sar a o Leperiben maj ela. Premišľin upral oda, so bi šaj kerehas buter andre služba khatar o Leperiben, a so tuke kampel te kerel akana, kaj oda čačes te dochudes. Paľis mang le Jehovas, kaj tuke oleha te pomožinel. (1Já 5:14, 15)

Avel tuke pre goďi, so bi šaj kerehas buter andre služba prekal o Leperiben?