Savoreha, so keras, kamas te kerel le Jehovaske radišagos. (Prí 27:11) Vašoda, te peske kidas avri, so keraha, kamas oda te zathovel pre koda, sar pre kada dikhel o Jehovas. Nekphareder oda hin akor, te e Biblija amenge rovno na phenel, so kampel te kerel. So amenge akor šaj pomožinel?

Sako ďives tuke gen e Biblija. Sar genas e Biblija, hin oda, sar te bi avahas le Jehovaha. Olestar, savo sas o Jehovas ke peskero ľudos, šaj dikhas sar o Del premišľinel. Šaj dikhas, save manuša leske sas pre dzeka, a saven narado dikhelas. Te peske kidas avri, so keraha, o Jehovas amenge šaj leperel peskere duchoha koda, so sikhľiľam andal e Biblija. (Ján 14:26)

Rode tuke buter. Sigeder, sar tuke kideha avri, so kereha, phuč pestar: „Save lava andal e Biblija mange pomožinena te achaľol, sar pre kada dikhel o Jehovas?“ Modľin tut a rode tuke buter andre amare publikaciji, save hine andre tiri čhib. Avka šaj arakhes o lava andal e Biblija, so tuke pomožinena oleha, so zadžives. Sar len arakheha, ker pal oda. (Ža 25:4)

DIKHEN O VIDEJO MA PREAČH TE PRASTAL – CHA SASTO CHABEN A PAĽIS VAKEREN JEKHETANE:

• Sar ispidenas pre terňi pheň andro videjo?

  Pisin, so bi odphenehas

• Sar the tu tuke šaj rodes buter, te zadžives vareso ajso sar e pheň?

  Pisin, so bi odphenehas

• So lačho amenge anel oda, te rodas peske buter pal oda, so akana zadživas? (Heb 5:13, 14)

  Pisin, so bi odphenehas