26. februaris – 3. marcos
ŽALM 11–15
Giľi 139 the modľitba | Perša lava (1 min.)
1. Dikh tut andro Devleskero nevo svetos, kaj ela ča o smirom
(10 min.)
Te o manuša na šunen o zakoni, anel oda o mariben, savo dikhas adaďives (Ža 11:2, 3; w06 15/5 18 ods. 2)
Šaj paťas, hoj o Jehovas sig odčhivela savoro mariben (Ža 11:5; wp16.4 11)
Te premišľinas pal oda, hoj o Jehovas amen zachraňinela, oda amenge del zor te užarel pro nevo svetos (Ža 13:5, 6; w17.08 6 ods. 15)
ŠAJ KERES KADA: Pregen tuke Ezechijel 34:25, zaačh a dikh tut pre koda than, so hin pro obrazkos, kaj hin ča o smirom. (kr 236 ods. 16)
2. So šukar arakhľam andre Biblija
(10 min.)
-
Ža 14:1 – Pre soste peske kamas te del pozoris, te sam le Devleskere služobňika? (w13 15/9 19 ods. 12)
-
So lačho arakhľal ole kapitolendar andal e Biblija, so hine pre kada kurko?
3. Genas e Biblija
(4 min.) Mat 15:29–39 (th lekcija 2)
4. Varekaha chudes e duma
(2 min.) VAKERAS PAL O DEL, CHOČKAJ SAM. Vičin le manušes pro Leperiben. (lmd lekcija 5 čislos 3)
5. Varekaha chudes e duma
(1 min.) KHER KHERESTAR. Vičin le manušes pro Leperiben. (lmd lekcija 3 čislos 4)
6. Varekaha chudes e duma
(3 min.) KHER KHERESTAR. O manuš kamel te džanel buter pal o Leperiben. (lmd lekcija 7 čislos 4)
7. Ľidžas o študijum
(5 min.) lff lekcija 13 rozkide „So sikhľiľam“, „So bi phenehas“ the „Kam te kerel“. Kide tuke avri o člankos andal o kotor „Dikh tuke buter“ a kale člankoha pomožin le manušeske te achaľol, sar o Del dikhel pro falošna vjeri. (th lekcija 12)
Giľi 8
8. E goďi hiňi feder sar o mariben
(10 min.) Vaker le zboroha.
Pal calo svetos pes o manuša furt buter a buter maren. O Jehovas džanel, hoj sar dikhas abo zadživas o mariben, šaj daras. Tiš achaľol, hoj pes kamas olestar te chraňinel. Vašoda amen chraňinel napriklad prekal peskero Lav, e Biblija. (Ža 12:5–7)
Andre Biblija hin goďi, savi amen chraňinela feder, sar te bi pes marahas. (Kaz 9:18) Premišľin, sar amen kala goďaver lava andal e Biblija šaj chraňinen olestar, kaj te na zadživas o mariben.
-
Kaz 4:9, 10 – Ma dža korkoro pre ajse thana, kaj pes tuke vareso šaj ačhel.
-
Pri 22:3 – Te sal avri, furt de pozoris, so pes kerel khatar tute.
-
Pri 26:17 – Ma dža maškar ola, save pes keren, te tut oleha ňič na chal.
-
Pri 17:14 – Te dičhol, hoj maj ela o mariben, sig dža odarig het. Ľiker tut dur le manušendar, save pes zgele, kaj te keren o štrajkos.
-
Luk 12:15 – Chraňin tuke o dživipen buter, sar oda, so tut hin.
Mukhen o VIDEJO Ker sar ola, so paťanas a na sar ola bijo paťaviben – Sar o Enoch, na sar o Lamech. Paľis vakeren jekhetane:
O dad andro videjo premišľinelas pal o Enoch. Sar leske oda pomožinďa te kidel peske avri, so kerela, te zadživela o mariben? (Heb 11:5)
Varekana o kresťanos šaj ciťinel, hoj musaj te kerel vareso, kaj te chraňinel pes abo oda, so les hin. Aľe paš kada majinel te kerel sa, kaj ňikas te na murdarel a te na el pre leskere vasta avre manušeskero rat. (Ža 51:14; Dikh „Otázky čitateľov“ andre Stražno Veža julos 2017)
9. Le 2. marcostar chudaha te vičinel le manušen pro Leperiben
(5 min.) Prejavos. Ľidžal o zborovo phureder. Phen, sar tumaro zboros vičinela le manušen pro Leperiben, kana the kaj ela e prednaška, so ela pal calo svetos the o Leperiben. Leper le phralenge the le pheňenge, hoj andro marcos the apriľis šaj služinen 15 ori sar čhoneskere prjekopňika.
10. Študinas e Biblija:
(30 min.) bt kap. 6 ods. 9–17
