24. februaris – 2. marcos
PRISLOVJA 2
Giľi 35 the modľitba | Perša lava (1 min.)
1. Thov o jilo andre oda, sar tuke študines e Biblija
(10 min.)
Oleha sikaves, hoj kames o čačipen (Pri 2:3, 4; w22.08 18 ods. 16)
Oda tuke pomožinela te kerel goďaverones andro dživipen (Pri 2:5–7; w22.10 19 ods. 3–4)
Oleha tuke zoraľares tiro paťaviben (Pri 2:11, 12; w16.09-V 23 ods. 2–3)
PHUČ PESTAR: „So šaj kerav, kaj mange feder te študinav? So šaj kerav, kaj te na bisterav mange te študinel?“
2. So šukar arakhľam andre Biblija
(10 min.)
-
Pri 2:1–5 – Soske tuke kampel dureder te sikhľol pal o Jehovas? (bhs kap. 19 ods. 10)
-
So lačho arakhľal ole kapitolendar andal e Biblija, so hine pre kada kurko?
3. Genas e Biblija
(4 min.) Mar 7:1–23 (th lekcija 12)
4. Varekaha chudes e duma
(4 min.) KHER KHERESTAR. Sikav leske, kaj peske pre stranka jw.org šaj arakhel vareso predal o solacharde. (lmd lekcija 1 čislos 3)
5. Varekaha pale des duma
(3 min.) VAKERAS PAL O DEL, CHOČKAJ SAM. Paš peršo duma tut dodžanľal, pal soste o kheratuno rado vakerel. Akana leske de o časopisos pre kodi tema. (lmd lekcija 9 čislos 3)
6. Prejavos
(5 min.) lmd Dodatkos A čislos 8 – O rom la romňaha peske majinen te el verna. (th lekcija 13)
Giľi 96
7. Kames te arakhel o barvaľipen?
(15 min.) Vaker le zboroha.
Terne, kamenas bi te arakhel but somnakaj, so sas garudo andre phuv? Te ha, ta andre Biblija šaj arakhen vareso, so mol buter sar somnakaj. So hin oda? Oda, hoj šaj sprindžaren le Devles! (Pri 2:4, 5) Šaj oda dochuden avka, hoj tumenge genena e Biblija sako ďives. A tiš avka, hoj tumenge arakhena vareso buter ke oda, pal soste genen. Paľis oda tumen buter bavinela a sikhľona but nevo.
-
Pal soste šaj rozmišľines, sar peske genes Biblija? (w24.02 32 ods. 2–3)
-
Prekal soste šaj arakhes oda, pal soste tut kames te dodžanel?
O videji Sikhľuv olendar, so hine lačhe le Jehovaha tuke sikavena, sar šaj rozmišľines pal oda, so genes.
Mukhen o VIDEJO Sikhľuv olendar, so hine lačhe le Jehovaha – O Abel.
Pregenen 1. Mojžišovo 4:2–4 the Hebrejenge 11:4 a paľis vakeren jekhetane:
-
Soske sas o Abel lačho le Jehovaha?
-
Soske sas le Abel zoralo paťaviben?
-
Sar tu tuke šaj barares o paťaviben?
8. Študinas e Biblija
(30 min.) bt kap. 23 ods. 1–8 the perša lava kijo kotor 8
