O Jehovas andro Izrael pomožinelas le čorenge. Sar o Jehovas pomožinel adaďives le phralenge the pheňenge, so len nane ajci but?

• Sikhľarel len, sar kampel te dikhel pro love. (Luk 12:15; 1Ti 6:6–8)

• Phenel lenge, kaj pes te na ciťinen tele. (Jób 34:19)

• Sikhľarel len, kaj te keren buťori. A tiš, kaj te na rozčhivkeren o love pre oda, so hin nalačho. (Prí 14:23; 20:1; 2Ko 7:1)

• Na mukhľa len korkoren, diňa lenge kamibnaskeri fameľija, le phralen the pheňen. (Ján 13:35; 1Já 3:17, 18)

• Diňa lav, so šukar len užarel. (Ža 9:18; Iz 65:21–23)

Šaj el, hoj avela ajso pharipen a na džanaha, so te kerel. Aľe na kamas pes oleske te podel! O Jehovas diňa lav, hoj te les daha pro peršo than, sa, so amenge kampel ko dživipen, amen dela. (Mat 6:31–33)

DIKH O VIDEJO E LASKA ŇIGDA NA PREAČHELA, CHOČ... SAM ČORE – ANDAL O KONGO A PAĽIS VAKEREN JEKHETANE:

• Sar o phrala sikade jilo le phralenge, so odoj avle pro baro zjazdos?

• Sar o Jehovas sikavel, hoj kamel the ole phralen, so len nane but?

• Sar šaj avas ajse sar o Jehovas, choč (he te) amen nane but?