Kana kamas te achaľol, so vareko predživel, kampel les te šunel avri. Dodžanaha pes, so les hin pro jilo a sar ov pre varesoste dikhel. Te čačes achaľuvaha, so oda dženo predživel, džanaha, sar leske te pomožinel. Sar avaha ajse andre služba, avaha sar o Jehovas. A paľis o manuša kamena pal leste te sikhľol mek buter. (Fil 2:4)

Na šunas le manušes ča vašoda, kaj leske paľis te dophenas. Ov sprindžarel, či les čačes rado dikhas, či hin amen paťiv ke leste, bo dikhel, sar leha vakeras. Kamas pes te dodžanel, andre soste paťal, kaj bariľa avri a so rado kerel. Paľis leske šaj das sikrica (čeporo) goďi andro dživipen, aľe na ispidas pre leste, kaj te el aver. Te pre amende dikhela, hoj les kamas te achaľol, domukhela amenge leske te pomožinel. Avka la službatar radisaľuvaha mek buter.

DIKH O VIDEJO AV FURT FEDER, KAJ TE RADISAĽOS, HOJ KERES LE UČEŇIKEN – LE TUKE KO JILO ADA, SAR PES CIŤINEN AVER A PAĽIS VAKEREN JEKHETANE:

• E Rous avľa nasig. Sar lake e Nita sikaďa o jilo?

• E Rous phenďa, hoj na birinel. Sar sikaďa e Nita, hoj kamel te džanel, so oj predživel?

• E Rous phenďa, hoj hin pre late igen but. Sar lake e Nita sikaďa o jilo?