E Biblija amenge phenel, kaj te las phureder phralen pheňen sar amare dajen, daden. A le terneder sar phralen pheňen. (Pregen 1. Timotejovi 5:1, 2) Le phralendar pes užarel, hoj le pheňenge presikavena paťiv.

Ňisavo phral andal o zboros pes našťi guľarel abo avka te vakerel la pheňaha, hoj lake olestar avel namištes. (Jób 31:1) O phral, so nane veraduno (solachardo), našťi diliňarel varesava pheňa, sava nane rom, hoj la kamel, aľe čačes (najise) andro jilo džanel, hoj pes laha ča bavinel a na kamel la romňake.

Le zborove phurederendar pes užarel, hoj presikavena paťiv le pheňenge, so lendar avle vareso te phučel a so lenge phenena pal varesoste andro zboros. Tiš sikaven paťiv a pomožinen le pheňenge, so nane romeste. (Rút 2:8, 9)

DIKH O VIDEJO MA PREAČH TE SIKAVEL E LASKA ANDRO ZBOROS – KOLENGE, SO MUĽA O ROM THE ČHAVENGE BIJO DAD A PAĽIS VAKEREN JEKHETANE:

• Sar o phrala pheňa sikade baro kamiben la pheňake, savake muľa o rom?

• So phenenas o manuša andro gav, kana dikhle, hoj ke pheň furt phirenas phrala pheňa?

• Sar pomožinďa le phralengero pheňengero kamiben lakere čhajenge?

Sar šaj presikaves kamiben the paťiv le pheňenge andro tiro zboros?