But phralenge igen pomožinel o ramčekos: So šaj vakeras andre služba. Aľe džanas, hoj o manuša, savenca vakeras, šaj predživen vareso aver. Vaš oda andre služba na mušinas furt te doľikerel ola lava, so hine andro ramčekos. Aľe te hin varesavo čhon e kampaň, sar pal calo svetos vakeras pal jekh, kamas ala lava andro ramčekos te doľikerel. Keras sa, kaj te šunas le Ježišoskere lava a vakeras lačho hiros pal o Kraľišagos. (Mat 24:14)

Te chudas pro zhromažďeňa o ulohi, furt kamas te ľikerel odi tema andal o ramčekos andre brožurka Amaro kresťansko dživipen the služba. Te odoj hin pisimen, hoj šaj phučes aver otazki pre kadi tema abo šaj pregenes aver tekstos, vaker avka, kaj oda le manušen andre tumare obvodi te chudel le jilestar. Kada hin neveder pokinos sar andal e brožurka pro junos 2020, sera 8. Akanastar oda kamas te kerel avka, sar hin andre kada člankos.