Andro septembros caľa peskera zoraha kamaha te chudel te študinel le manušenca la brožuraha Nekfeder dživipen akanastar pro furt! Akor šaj služineha sar čhoneskero prjekopňikos 30 ori. Sar šaj chudas te študinel le manušenca?

• Peršo duma: Pre paluňi sera andre brožura Nekfeder dživipen akanastar pro furt! šaj sikavas, sar študinas le manušenca. Kaske šaj oda sikavas? Oleske, kaha pale vakeras. Abo varekaske, kaha imar sigeder vakerahas, aľe na kamelas akor te študinel. Kadi brožura leske imar šaj el pre dzeka. E brožura na mukhas odoj, kaj na sas ňiko khere. Bičhavas la le ľileha ča olenge, so la kamenas. O služobno viboris andro zboros pes šaj dothovel, hoj andre oda čhon ena buter schvodzki.

• So aver šaj keras: Andro zboros, te pes terďol le verdanenca, thovas odi brožura andro verdanora a te avela vareko paš o verdanora, sikavas leske, sar pes študinel kala brožuraha. Abo pes leha dothovas, kana leske oda sikavaha. O zborovo phureder, so dodikhel pre služba, šaj kidela avri le phralen the le pheňen, save zvestinena odoj, kaj hine ča o skľepi. Tiš na kamas te bisterel te phučel olendar, kaha keras buťi abo phiras andre škola, či na kamen te študinel.

O Ježiš phenďa, kaj te „keras le učeňiken“ a te „sikhľaras len“. (Mat 28:19, 20) Paťas oleske, hoj kadi kampaň ala brožuraha amenge andre oda pomožinela.