Andre Biblija hin but modľitbi, save o Jehovas šunďa avri. Te dikhas, hoj o Jehovas šunďa avri amare modľitbi u sar amenge pomožinďa, amaro paťaviben barol. Phen presňe, so hin tuke pro jilo u paľis dikh, sar tut o Jehovas šunďa avri. Ma bister, hoj te vareso manges, o Jehovas tuke na musaj te odphenel avka sar užares. Abo šaj chudes buter sar manges. (2Ko 12:7–9; Ef 3:20) Sar tut o Jehovas šaj šunel avri?

• Dela tut e zor te ľikerel avri andro pharipen. (Fil 4:13)

• Dela tut goďi, kaj te džanes, so te kerel. (Jak 1:5)

• Ela tut zor u kameha te kerel oda, so hin le Devleske pre dzeka. (Fil 2:13)

• Dela tut o smirom, kaj tuke te na keres pharo šero. (Fil 4:6, 7)

• Pomožinela tuke prekal varesave džene. (1Já 3:17, 18)

• Pomožinela varekaske, vaš kaske tut modľinehas. (Sk 12:5, 11)

DIKH O VIDEJO O JEHOVAS ŠUNEL AVRI O MODĽITBI A PAĽIS VAKEREN JEKHETANE:

• Sar tut zoraľarel oda, so zadžiďiľa o phral, te imar našťi keres predal o Jehovas sa, so kames?

• So tu kames te kerel avka sar kada phral?