O Jehovas kamel, kaj te en o fameľiji bachtale. (Ža 127:3–5; Kaz 9:9; 11:9) Aľe varekana šaj našavas o radišagos, bo dživipen andre kada svetos anel o pharipena a tiš dojekh dženo andre fameľija šaj kerel chibi. Sar dojekh dženo andre fameľija šaj bararel o radišagos andro kher?

O rom presikavel paťiv peskera romňake. (1Pe 3:7) Hino rado, kana hin laha. Na užarel latar buter, sar šaj kerel. Sikavel la romňake, hoj hin leske baro oda savoro, so kerel predal leste the predal e fameľija. (Kol 3:15) Jilestar lake phenel, sar la igen kamel the ašarel la. (Prí 31:28, 31)

E romňi furt ľikerel peskere romeha. (Prí 31:12) Šunel les the pomožinel leske. (Kol 3:18) Vakerel le romeha šukares. Maškar aver les na thovel tele. (Prí 31:26)

E daj o dad kamen te el so nekbuter peskere čhavenca. (5Mo 6:6, 7) Phenen le čhavenge, sar len igen rado dikhen. (Mat 3:17) Sar lenge dophenen, keren oda jileha, kamibnaha the goďaha. (Ef 6:4)

O čhave šunen peskera da le dades the presikaven lenge paťiv. (Prí 23:22) Na daran te phenel la dake le dadeske, so hin lenge andro jilo the so peske mišľinen. Len peske ko jilo, sar lenge dophenen u na keren pal peskero. (Prí 19:20)

DIKHEN O VIDEJO SO ŠAJ KERES, KAJ TIRI FAMEĽIJA TE RADISAĽOL A PAĽIS VAKEREN JEKHETANE:

• So kerde sako jekh lendar, kaj te radisaľol lengeri fameľija?