Kamas te služinel furt feder le Jehovaske u te kerel leske furt bareder radišagos a na te ačhel pre jekh than andro čačipen. Na bajinas pre oda te del amaro časos the zor. Vašoda amenge anglal kampel te premišľinel pal oda, sar oda kamas te dochudel. (1Ti 4:15) Soske kamas pal oda te premišľinel sako berš? Bo sako berš zadživas vareso aver. Abo oda, so kamahas te dochudel oka berš, imar akana pes amenge na del te kerel. Abo oda imar dochudľam a vašoda šaj peske phenas, hoj kamas te dochudel vareso nevo.

Lačhes hin te premišľinel pal oda, so kamas te dochudel, anglal nevo služobno berš. Šaj vakeren pal oda pre tumaro študijum la fameľijaha? Šaj rozkiden, so kamel te dochudel dojekh dženo tumendar a so kamen te dochudel jekhetane sar fameľija?

So kames te dochudel dojekhe kotorestar, so hin pisimen tel o obrazkos? So tuke kampela te kerel, kaj te dochudes oda?