29. julos – 4. augustos
ŽALM 69
Giľi 13 the modľitba | Perša lava (1 min.)
1. Žalm 69 sikaďa, so pes ačhela le Ježišoske
(10 min.)
Le Ježiš nanavidzinenas, the te lenge na kerďa ňič nalačho (Ža 69:4; Jan 15:24, 25; w11-V 15/8 11 ods. 17)
Le Ježišoske labolas o jilo vaš le Jehovaskero kher (Ža 69:9; Jan 2:13–17; w10-V 15/12 8 ods. 7–8)
Le Ježišoske čhinďolas o jilo a dine les te pijel „mol, andre savi sas kirka bilinki“ (Ža 69:20, 21; Mat 27:34; Luk 22:44; Jan 19:34; g95-V 22/10 31 ods. 4; it-1-B 802)
PREMIŠĽIN: Soske o Jehovas diňa te pisinel o proroctva pal o Mesijašis andro Hebrejska Pisma?
2. So šukar arakhľam andre Biblija
(10 min.)
-
Ža 69:30, 31 – So šaj keras, kaj pes te modľinas feder? (w99-V 15/1 18 ods. 11)
-
So lačho arakhľal ole kapitolendar andal e Biblija, so hine pre kada kurko?
3. Genas e Biblija
(4 min.) Mat 24:36–51 (th lekcija 2)
4. Užar a ma ispide – O Ježiš oda kerelas avka
(7 min.) Vaker le zboroha. Mukhen o VIDEJO a paľis rozkide lmd lekcija 8 čislos 1–2.
5. Užar a ma ispide – Ker avka sar o Ježiš
(8 min.) Rozkide le zboroha lmd lekcija 8 čislos 3–5 the „Mek tuke dikh“.
Giľi 134
6. So kampel amare zboroske
(5 min.)
7. Sar te kerel lačho študijum la fameľijaha
(10 min.) Vaker le zboroha.
Varekana sas amen andro kurko duj zhromažďeňa. Aľe le januaristar 2009 sas kala duj zhromažďeňa spojimen andre jekh. Avka le fameľijenge ačhiľa sako kurko jekh rat, kaj peske šaj študinen la fameľijaha, so lenge kampel. But fameľijenge hin kada pre dzeka, bo lenge ada pomožinďa te el lačhe le Jehovaha the jekh avreha. (5Mo 6:6, 7)
So šaj keren o šere le fameľijenge, kaj lengero študijum la fameľijaha te el so nekfeder?
-
Keren oda sako kurko. Dothoven tumen, savo ďives sako kurko kerena o študijum la fameľijaha. Phenen tumenge tiš, savo aver ďives tumen oda ela, te tumenge andre oda vareso avela.
-
Anglal rozmišľin, so kerena. Povaker tira romňaha a varekana tiš le čhavenca, so bi kamenas te študinel. Te la fameľijaha vareso rado keren, na mušines sako kurko te premišľinel, so nevo kerena.
-
Premišľin, so kampel dojekheske andre fameľija. Bare čhave achaľon buter sar o ciknore a tiš lenge kampel vareso aver. Oda, so rozkiden, bi majinelas te zoraľarel o paťaviben dojekheske andre fameľija.
-
Ker sa, kaj pes savore te ciťinen lačhes. Te hin avri šukares, šaj tumenge džan avri te študinel. Te kampela, keren tumenge prestavka. Hin lačho te povakerel pal o problemi, save zadživen andre fameľija. Aľe ňikaske le čhavendar na dophenen akor, sar san jekhetane pro študijum.
-
Ma keren furt oda isto. Šaj tumen jekhetane pripravinen pre varesavo kotor pro zhromažďeňe, šaj tumenge dikhen a rozkiden varesavo videjo, so hin pro jw.org, abo tumenge šaj rozkiden, so vakerena andre služba. Nekfeder hin, te savore vareso rozkiden jekhetane. Aľe tiš tumenge varekana šaj mukhen časos pre oda, kaj peske te študinel the dojekh dženo korkoro.
Vakeren jekhetane:
-
So kalestar imar kerďan pre tumaro študijum la fameľijaha?
8. Študinas e Biblija
(30 min.) bt kap. 13 ods. 8–16, ramčekos pre sera 105
