Sar varekaha das pale duma, abo ľidžas študijum, kamas, kaj ola manuša te achaľon amare lavenge. Vašoda lenge phenas lačhe prikladi, save chuden lengere jile a avka na bisterena pre oda, so sikhľona la Biblijatar.

Sigeder, sar varekaha deha duma, abo ľidžaha študijum, kide tuke avri, so le prikladoha kames te hazdel upre. Vaker loke prikladi andal o dživipen. (Mat 5:14–16; Mar 2:21; Luk 14:7–11) Rozmišľin, či kidňal avri ajso priklados, so ov čačes achaľola. (Luk 5:2–11; Ján 4:7–15) Te dikheha, hoj ola lava leske gele andro jilo, igen radisaľoha.

DIKH O VIDEJO AV FURT FEDER, KAJ TE RADISAĽOS, HOJ KERES LE UČEŇIKEN – KODA HLAVNO SIKAV LE PODOBENSTVOHA, A VAKEREN PAL ALA OTAZKI:

• Soske kampel te pomožinel olenge, so sikhľon la Biblijatar, kaj lake te achaľon?

• Savo priklados phenďa e Nita ko Rimanom 5:12?

• Sar le manušenge pomožinen lačhe prikladi?

• Soske sikavas andre služba videja abo das amare kňižkici?