So oda hin, hoj amenge vareko dophenel? Hin oda, hoj amen del goďi, sikhľarel amen, phenel, so nalačhes keras aľe tiš oda šaj el o trestos. O Jehovas ada kerel, bo kamel, kaj te avas hodna, te ačhel paš leste. (Rim 12:1; Heb 12:10, 11) Šaj oda dukhal, te amenge vareko dophenel, aľe anel oda baro lačhipen. (Prí 10:7) Pre soste na kamas te bisterel?

Oda, ko dophenel. Zborova phuredera, daja dada, the aver keren sar o Jehovas. Dophenen varekaske šukar lavenca the le kamibnaha. (Jer 46:28) Te varekaske kampel zorales te dophenel, kiden avri ajse lava, so chuden le jilestar. (Tít 1:13)

Oda, kaske hin dophendo. Te amenge vareko del goďi abo chudas trestos, kamas sa te prilel. (Prí 3:11, 12) Dojekh sam binošna. Kamas pes te visarel pale pro lačho drom. Andre oda amenge pomožinena lava, so šunas pro zhromažďeňa abo save genas andre Biblija. Aľe varekana tiš musaj te el o pravno viboris. Ma dara te prilel o dovakeriben. Tiro dživipen ela feder a šaj džives pro furt. (Prí 10:17)

DIKH O VIDEJO „KAS O JEHOVAS KAMEL, KOLESKE PHENEL, KAJ TE NA KEREL O NALAČHIPEN“ A VAKEREN PAL ALA OTAZKI:

• Sar o phral bariľa avri a so pes paľis ačhiľa?

• Prekal kaste leske o Jehovas le kamibnaha dophenďa?

• So lestar sikhľuvas?