Andre kala „agorutna ďivesa“ pre peskeri cipa zadživas, hoj o pharipena khatar amende igen baron. (2Ti 3:1; Mat 24:8) Le Jehovaskere niposke hin furt sigeder phendo, so te kerel, kaj te predživel. Te imar akana šunas le phralen a keras, so kampel, šaj paľis predživas e prirodno bibacht. (Luk 16:10)

• Zoraľar tiro paťaviben: Ľiker tut lačhe zvikendar. Sikhľuv tiš aver služba. Ma izdra daratar, te pes vareso ačhela a našťi aveha le zboroha. (Iz 30:15) Se o Jehovas the o Ježiš ena furt amenca. (od 176 ods. 15–17)

• Ker, so kampel: Mi el sakones andal e fameľija vakos. Thov andre chaben, paňi, pirulki the aver, so kampel, te kampľalas pre varesavo časos te denašel le kherestar. (Prí 22:3; g17.5 4, 6)

DIKH O VIDEJO SAL PRIRICHTIMEN PRE PRIRODNO BIBACHT? A VAKEREN PAL ALA OTAZKI:

• Sar šaj zoraľaras amaro paťaviben sigeder, sar avela bibacht?

• Soske amenge kampel:

  • kaj pes amenge zborova phuredera furt te dovičinen?

  • kaj amenge furt te el pririchtimen o vakos?

  • te džanel, so keraha, te avela chočsavi prirodno bibacht?

• So šaj keras predal varekaste, ko predživel e prirodno bibacht?

PHUČ TUTAR: Sikaďa mange COVID-19, hoj kerav sa, so kampel?