Sam binošna. Amaro jilo amen furt cirdel te kerel vareso nalačho. Te oleha ňič na keraha, šaj našavas oda, hoj sam lačhe le Jehovaha. Varesavenge hin andro jilo ča chaben, uraviben, khera a na o Del. Aver dživen džungales avka sar lenge phenel o jilo a na avka sar lenge phenel o Del. (Rim 1:26, 27) A mek aver kamen te zaperel andre partija, vaš oda keren ajse nalačhipena sar on. (2Mo 23:2)

So te kerel, kaj amen o jilo te na scirdel pro binos? Te kamas sasto žužo jilo, kampel te kerel so nekbuter predal o Jehovas. (Mat 4:4) Tiš kampel cale jilestar te vičinel pro Jehovas, kaj amen o jilo te na premarel. O Jehovas amenge kamel ča nekfeder. Te dikhel, hoj amen o jilo cirdel pro lačho, rado amen oda dela. (Ža 145:16)

DIKH O VIDEJO MA ZACHA TUKE O DŽIVIPEN LE CIGARETĽENCA! A PAĽIS VAKEREN JEKHETANE:

• Soske vareko pijel cigaretľi?

• So tuha kerena cigaretľi?

• Soske hin nalačho te pijel cigaretľi, či imar lendar džal thuv abo ča e para? (2Ko 7:1)

• So šaj keres, kaj imar te na pijes cigaretľi? So šaj phenes, te tuke vareko phenel: „Labar tuke manca“ abo „Ča pocirde“?