O Jehovas kamel, kaj le zaujemcengero paťaviben te zoraľol. (Heb 11:6) Amen lenge oleha šaj pomožinas prekal e kňižka Nekfeder dživipen! Hin odoj teksti andal e Biblija, so sikaven čačipen. Lava, savenge hin lokes te achaľol. Otazki, so chuden le jilestar. Šukar obrazki the videji, so den goďi. Oda pomožinel le zaujemcenge, kaj lendar te ačhen lačhe kresťana a tiš lačhe le Jehovaha. Paľis lengero paťaviben ňič na thovela tele. (1Ko 3:12–15)

Predal varekaste hin phares rado te dikhel varekas, kas našťi dikhel. Vašoda amari buťi hin te pomožinel lenge buter te paťal, hoj o Jehovas hino barekamibnaskero Del.

DIKH O VIDEJO BARAR LENGE O PAŤAVIBEN KO JEHOVAS PREKAL E KŇIŽKA NEKFEDER DŽIVIPEN! A PAĽIS VAKEREN JEKHETANE:

• Sar džanas, hoj e pheň peske kerďa lačhi priprava pro študijum?

• So latar phučelas, kaj e Kejsi te achaľol o lava andal o Izaiáš 41:10, 13?

• So kerďa o videjo the o biblicka teksti la Kejsaha?

But džene na achaľon, so oda hin o vikupno. Abo hin lenge phares te paťal, hoj o Del diňa le Ježiš the vaš lenge. (Gal 2:20) Vaš oda amari buťi hin te pomožinel lenge, kaj te paťan, hoj o vikupno hino daros le Devlestar.

DIKH O VIDEJO BARAR LENGE O PAŤAVIBEN KO JEŽIŠ PREKAL E KŇIŽKA NEKFEDER DŽIVIPEN! A PAĽIS VAKEREN JEKHETANE:

• Sar džanas, hoj o phral peske kerďa lačhi priprava pro študijum?

• Sar o phral kidňa avri presňe oda, so kampelas le zaujemcaske andal o kotor „Dikh tuke buter“?

• Soske pes mušinas te modľinel vaš o zaujemcas?