O svetos imar na ľikerela but. O manuša buter džan pre peste a murdaren aver dženen. (Zj 6:4) Sar pes šaj pripravinas pre oda, so amen mek užarel?

• Zoraľar tiro paťaviben: Arakh tuke andre Biblija goďaver lava the pribehi. Pomožinena tuke mek buter te paťal le Jehovaske a leskera organizacijake. Paľis amen ňič na chala la politikaha. (Prí 12:5; jr 125–126 ods. 23–24) A tiš kampel, kaj amaro kamiben ko phrala the pheňa te zoraľol imar akana. (1Pe 4:7, 8)

• Ker, so kampel: Phen tuke, kaj tut garuďalas u kaj džaha, te kampela te denašel. Mi el tut khere chaben the paňi pro buter časos. Dikh, či hin tut andro vakos sa a dothov odoj ruški, rukavici the love. Mi el tut čislos pro zborova phuredera a lende mi el tiro čislos. (Iz 32:2; g17.5 ods. 3–7)

Te o manuša avri džan pre peste, ma preačh te študinel, te modľinel pes a te phirel pro zhromažďeňa. (Fil 1:10) Ačh khere, dokana na šuneha, hoj majines te denašel andal o kher. (Mat 10:16) Savorestar, so tut hin, de the avren. (Rim 12:13)

DIKH O VIDEJO SAL PRIRICHTIMEN PRE BIBACHT? A PAĽIS VAKEREN JEKHETANE:

• Sar amen o Jehovas dela zor, te avel e bibacht?

• So šaj keras sigeder, sar avela e bibacht?

• So šaj keras predal ola, so zadživen varesavi bibacht?