O kamiben amenge pomožinel, kaj te na avas barikane. (1Ko 13:4) Te kamas le phralen the le pheňen, na keraha pestar, hoj sam lendar feder. Dikhas pre oda, so lačho hin andre lende. A te vareso džanas te kerel, pomožinas oleha avrenge a na kaj pes te sikavas. (Fil 2:3, 4) Te amen hin kajso kamiben, o Jehovas prekal amende buter a buter šaj pomožinel avrenge.

DIKH O VIDEJO MA ZABISTER SAVI HIŇI E LASKA – NANE BARIKAŇI A PAĽIS VAKEREN JEKHETANE:

• Pre soste šaj uľahas barikano o Abšalóm?

• So o Abšalóm nalačhes kerelas?

• Sar sikavas, hoj peske na ľidžas upre? (Gal 5:26)