„O Jehovas hino barikano andro peskero ľudos.“ (Ža 149:4) The te na keras savoro mište, ov dikhel, so hin pre amende lačho a pre soste amen hin. Aľe varekana šaj el phares te dikhel pre peste avka, sar pre amende dikhel o Jehovas. Soske hin oda avka? Varekana peske šaj mišľinas, hoj na sam lačhe pre ňisoste, te dikhas, save hine aver ke amende. Abo te but premišľinas pal oda, so nalačho varekana kerďam, šaj amenge el phares te paťal, hoj o Jehovas amen rado dikhel. So amenge akor šaj pomožinel?

Ma bister, hoj o Jehovas dikhel oda, so o manuša našťi dikhen. (1Sa 16:7) Mek the oda, so amen korkore na dikhas pre peste. Vašoda sam rade, hoj hin amen e Biblija. Prekal e Biblija šaj dikhas pre peste le Devleskere jakhenca. Šaj oda keras avka, hoj premišľinas pal o teksti save sikaven, sar o Jehovas igen rado dikhel peskere služobňiken.

DIKHEN O VIDEJO DOPHEN TIRE JILESKE, KAJ TE PAŤAL, HOJ O JEHOVAS TUT KAMEL A PAĽIS VAKEREN JEKHETANE:

• Andro videjo sas o priklados pal o čhavo the leskero dad. So olestar sikhľuvas pal oda, sar o Jehovas dikhel pre amende?

  Pisin, so bi odphenehas

• Te o manuš, savo igen zhrešinďa, kerďa sa, kaj te el lačho le Jehovaha, sar šaj dophenel peskere jileske, kaj te paťal, hoj o Jehovas les kamel? (1Já 3:19, 20)

  Pisin, so bi odphenehas

• Savi chasna sas le phrales olestar, hoj genelas the premišľinelas pal o Dávid the pal o Jehošafat?

  Pisin, so bi odphenehas