So hine kala nahravki? Oda hine o nahravki, kaj o phrala pheňa genen amaro nevo preklados la Biblijakero. Aven avri andre so nekbuter čhiba, jekh kňižka pal aver. Lačhes hin, hoj sakones andre kala nahravki genel vareko aver. O phrala pheňa, save oda genen, mište keren le hlasoha the thoven andre oda o jilo, kaj te sikaven presňe, so e Biblija kamel te phenel.

Savi chasna hin varesaven, so šunen kala nahravki? But phrala pheňa igen rado šunen sako ďives kala nahravki, bo sar šunen dojekhe dženes avre hlasoha, sar te bi dikhenas anglo jakha, so pes odoj kerel a feder achaľon, so pes odoj pisinel. (Prí 4:5) Tiš but džene phenen, hoj sar avka šunen e Biblija, oda lenge anel o smirom akor, sar andre lende previsaľol o jilo. (Ža 94:19)

Te šunas le Devleskero lav nahlas, oda amen buter šaj cirdel te dživel pal oda. (2Kn 34:19–21) Hine varesave nahravki, kaj genen e Biblija, andre čhib, savake achaľos? Te he, šaj tuke len šunes buter?

DIKHEN O VIDEJO SAR PES KEREN O NAHRAVKI, KAJ GENEN E BIBLIJA – CHARNEDER VIDEJO A PAĽIS VAKEREN JEKHETANE:

So sas tuke pre dzeka pre oda, sar pes keren o nahravki, kaj genen e Biblija?