27. majos – 2. junos
ŽALM 42–44
Giľi 86 the modľitba | Perša lava (1 min.)
1. Sikhľuv le Devlestar so nekbuter
(10 min.)
Ker sa, kaj te ašares le Jehovas jekhetane avrenca, nekfeder te sal lenca pre jekh than, na ča kheral (Ža 42:4, 5; w06 1/6 9 ods. 4)
Sigeder sar študineha le Devleskero lav, modľin tut (Ža 42:8; w12 15/1 15 ods. 2)
Domukh, kaj tut te ľidžal o čačipen andal e Biblija andre savoreste, so kereha andro dživipen (Ža 43:3)
Oda, so sikhľuvas le Devlestar, amenge del zor te ľikerel avri andro pharipena the te ačhel le Jehovaske verna pro furt, sar leske sľubinďam. (1Pe 5:10; w16.09 5 ods. 11-12)
2. So šukar arakhľam andre Biblija
(10 min.)
-
Ža 44:19 – So mišľinelas o žalmistas le lavenca, hoj o Jehovas mukhľa peskero ľudos le dzive rukonenge? (it-2 839)
-
So lačho arakhľal ole kapitolendar andal e Biblija, so hine pre kada kurko?
3. Genas e Biblija
(4 min.) Mat 21:23–32 (th lekcija 11)
4. Varekaha chudes e duma
(4 min.) KHER KHERESTAR. Phen varekaske, hoj šaj študinel e Biblija. (lmd lekcija 5 čislos 5)
5. Varekaha pale des duma
(5 min.) KHER KHERESTAR. Vičin le manušes pre prednaška. Sikav a rozkide o videjo So pes kerel andro kher, kaj pes zdžan le Jehovaskere svedki? (lmd lekcija 7 čislos 5)
6. Prejavos
(3 min.) lmd dodatkos A čislos 4 – Dojekh manuš ela sasto. (th lekcija 2)
Giľi 21
7. Goďaverones tuke kide avri e buťi the e škola
(15 min.) Vaker le zboroha.
Te sal terno, imar džanes, so kereha pal e škola? Šaj el, hoj imar premišľines pal kajsi buťi, paš savi šaj služineha sar prjekopňikos. Abo rozmišľines, savi škola tuke pomožinela te sikhľol vareso abo te chudel varesavo papiris, kaj tuke te arakhes kajsi buťi. Akana tuke šaj kides avri, save dromeha džala calo tiro dživipen! Vašoda tuke šaj el pharo, bo kames tuke lačhes te kidel avri. Tiš pre tute šaj vareko ispidel a kames the leske te kerel radišagos. So tuke pomožinela te kerel goďaverones?
Pregenen Matuš 6:32, 33 a paľis vakeren jekhetane:
-
Soske hin lačho te džanes, so kames te dochudel andre služba le Jehovaske, mek sigeder, sar tuke kideha avri e buťi abo e škola?
-
Sar šaj o dad e daj pomožinen peskere čhavenge te kerel pal o Matuš 6:32, 33? (Ža 78:4–7)
Ma domukh, kaj tut te cirdel tiro jilo pal o barvaľipen abo pal oda, kaj tut te el baro nav andro svetos. (1Ja 2:15, 17) Ma bister, imar ča vaš oda, hoj le manušes hin but love, šaj el predal leste pharo te thovel pro peršo than oda, so kamel o Del. (Luk 18:24–27) U na mek te o manuš igen džal pal o barvaľipen. Akor našťi barol andro paťaviben aňi na služinela le Jehovaske cale jilestar. (Mat 6:24; Mar 8:36)
Mukhen o VIDEJO Na paťa andre oda so našľola – barvaľipen a paľis vakeren jekhetane:
-
Sar tuke o Prislovja 23:4, 5 pomožinena goďaverones peske te kidel avri e buťi abo e škola?
8. Študinas e Biblija
(30 min.) bt kap. 10 ods. 5–12
