O Ježiš pro posledno Pesach kerďa vareso baro. Choč džanelas, hoj maj merela, the avka kerďa, kaj le apoštolenca te chal o chaben pro Pesach. Akor zathoďa sakoberšeskero Leperiben. A avka bičhaďa le Peter the le Ján, kaj pre kada te pripravinen o kher. (Luk 22:7–13; dikh obrazkos pre angluňi sera.) The amen pes majinas te pripravinel pro Ježišoskero leperiben, so ela 27. marca. Andro zbori o phrala tiš dothoven e prednaška pro Leperiben, simboli a mek, so kampel. A so šaj keras korkore, kaj te avas pripravimen pre kada baro ďives?

Pripravin tiro jilo. Andal e Biblija pregen the rozdumin pal o Ježišoskero Leperiben. O rozpis arakheha andre brožurka Denne skúmať Písma. Tiš arakheha pre amari stranka jw.org andre romaňi čhib KŇIŽKI THE BROŽURI Posledno kurko, sar o Ježiš dživlas pre phuv. (Dikh tiš Amaro kresťansko dživipen the služba apriľis 2020) Pro roďino ucťjevaňe peske pal o vikupne šaj arakhen buter pre Online kňižňica abo Pomôcka na vyhľadávanie v publikáciách Jehovových svedkov.

Vičin avren pro Leperiben. Vičin, so nekbuter manušen. Dumin, kas šaj vičines, napriklad olen, kaha des duma pal o Del, kaha varekana študinehas, la fajta a avren, kas prindžares. O staršova vičinena the ajsen, so preačhile te phirel andre služba. A na bister pre ola, so imar na bešen odoj, kaj tu. Arakh lenge kaj the kana ela o Leperiben odoj, kaj bešen on. Dža pre stranka jw.org PAL AMENDE „Pametno slavnosť“.