O Jehovas, „šťastno Del“ kamel, kaj la službatar te radisaľuvas. (1Ti 1:11) Amaro radišagos barola, te keraha le učeňiken mek feder. Te andre služba phučas lačhi otazka, le manušes oda šaj chudel le jilestar a dureder amenca vakerela. Otazki pomožinen, kaj o manuša te duminen. (Mat 22:41–45) Te phučas otazki a paľis šunas, so amenge odphenen, avka lenge presikavas e paťiv. (Jak 1:19) A podľa oda, so amenge odphenena, lenca džanaha dureder te vakerel.

DIKH O VIDEJO AV FURT FEDER, KAJ TE RADISAĽOS, HOJ KERES LE UČEŇIKEN – PHUČKER TUT, A VAKEREN PAL ALA OTAZKI:

• So lačho sas andre Rous?

• So phučelas e Nita la Rousatar, kaj te sikavel, hoj pes pal late zaujiminel?

• So phučelas e Nita, kaj e lačhi sprava jilestar chudel e Rous?

• So phučelas e Nita, hoj e Rous chudňa te rozduminel?