E GOĎI PREDAL AMARO DŽIVIPEN
Savoro pharipen jekhvar preačhela
O pharipena amendar šaj len but zor, nekbuter akor, te ľikeren imar but berša. O Dávid šaj kerďa vareso le kraľiske Sauloske a avka bi leskero pharipen preačhelas. Paľis bi o Dávid ačhiľahas kraľiske avka, sar leske o Jehovas diňa lav. (1Sa 16:13) Aľe o Dávid paťalas le Jehovaske a sa mukhľa andre leskere vasta.
O Jehovas amenge diňa goďi, kaj te džanas te rozmišľinel a kaj te džanas, so te kerel. Oda amenge šaj pomožinel, te avel avri andal amaro pharipen. (1Sa 21:12–14; Prí 1:4) Aľe na savore pharipena pes den te odčhivel minďar, the te kerďam sa avka, sar kamel o Jehovas. Akor musaj te sikavel, hoj užaras pro Jehovas. Ov so neksigeder odčhivela savoro trapišagos a „khosela savore apsa“ pal amare jakha. (Zj 21:4) Varesave pharipena šaj odčhivel o Jehovas. Varesave pes šaj prikeren korkore. Aľe sam amenge ista: Savore pharipena jekhvar preačhena. A oda amen del smirom pro jilo.
DIKH O VIDEJO SAM JEKH NIPOS, CHOČ HIN AMEN AVER CIPA A PAĽIS VAKEREN JEKHETANE:
-
So pharo zadžiďile o phrala pro juh andre Amerika?
-
Sar amare phrala sikade o kamiben a hoj džanen te užarel?
-
Sar amare phrala furt sikavenas, hoj džanen, so „hin dvoležiteder“ te kerel? (Fil 1:10)