Ča ola džene, so hine žuže andro jilo the andre goďi, šaj en lačhe le Jehovaha. (1Pe 1:14–16) Te o zaujemcas pestar odčhivel oda nalačho, so kerel, paľis ela sasteder, ačhela leske buter love a tiš les ela bari duchovno fameľija.

Sikav leske, sar kamel o Jehovas, kaj te dživel, soske oda kamel a so lačho oda anela. Pomožin leske, kaj te chudel le Jehovaskeri goďi, bo paľis prekerela peskero dživipen. (Ef 4:22–24) Hazde les upre, hoj le Jehovaskera zoraha pes dela te odčhivel the ajso nalačhipen, so vareko kerel imar but berša. (Fil 4:13) Sikhľar les, jilestar te mangel le Jehovas, te les cirdel pro binos a so te kerel, kaj te denašel het odarig, kaj bi šaj peľahas andre koda nalačhipen. Phen leske, kaj te chudel te kerel vareso aver, či imar te predžal pes, te zadenašel peske abo vareso ajso. Te dikheha, sar tiro zaujemcas le Jehovaskera zoraha prekerel peskero dživipen, fest radisaľoha.

DIKH O VIDEJO POMOŽIN LE ZAUJEMCENGE, KAJ TE PREAČHEN LE NALAČHE ZVIKENCA A PAĽIS VAKEREN JEKHETANE:

• Sar o zborova phuredera the e Nita sikade, hoj paťan la Rousake?

• Sar mek e Nita pomožinďa la Rousake?

• Sar e Rous sikaďa, hoj pes na mukhel pre peste, aľe pro Jehovas?