Kana šaj phenas, hoj som varekaha baro kamaratos? Akor, te pes rado dikhas a presikavas jekh avreske paťiv. Las amenge le Jonatan the le David. Ačhile bare kamarata, sar o Dávid murdarďa le Goliaš. (1Sa 18:1) Andre sakoneste hin vareso šukar, soske les paľis aver džene rado dikhen. Šaj phenas, hoj te kamas varekaha te el lačhe kamarata, kampel, kaj amen lačhes te prindžaras. A pre oda amenge kampel časos the zor. Sar hin oda pro socijalna sjeťi? Ča deha „Pridať priateľa“ a imar. Aľe pro internetos pes del lokes te garuvel čačipen, šaj pisinas, so kamas a šaj pestar keras aver dženes. Vaš oda kamas čačes mištes te rozmišľinel, kas amenge thovas andro „Priatelia“. Na mušinas te daral, te na prilas savoren, kas na prindžaras a hoj paľis pre amende rušena. Varesave peske phende, hoj feder ela, te na phirena pro socijalna sjeťi, bo dikhen oda nalačho, so pes odoj šaj ačhel. Pre soste na kamas te bisterel, te phiras pro socijalna sjeťi?

DIKH O VIDEJO DE POZORIS, SO KERES PRO SOCIJALNA SJEŤI A PAĽIS VAKEREN JEKHETANE:

• Pal soste kampel te rozmišľinel sigeder, sar thoves pro internetos fotki abo komentara?

• Soske kampel te del pozoris, kas amenge thovas andro „Priatelia“?

• Soske hin mištes te phenel peske, keci avaha pro socijalna sjeťi? (Ef 5:15, 16)