E GOĎI PREDAL AMARO DŽIVIPEN
Sar te kerel le videjenca, so hine pal o biblicko študijum
Hin amen štar videji pal o biblicko študijum, save šaj mukhas andre služba. Pre soste sas dojekh lendar kerdo?
-
Soske te študinel e Biblija? – calo videjo sas kerdo avka, kaj o manuša te kamen te prindžarel e Biblija, the te len hin aver vjera. Ľidžal len ke oda, kaj te kamen te rodel, sar e Biblija odphenel pro otazki pal o dživipen. Kada videjo pre jekh otazka tiš goďaverones odphenel. Tiš phenel, so kampel te kerel, te vareko kamel te študinel.
-
Soske te študinel e Biblija? (charneder videjo) hino ajso sar calo videjo, aľe ľikerel ča vareso buter sar jekh minuta. Kada videjo šaj el feder te mukhel akor, sar o manuša siďaren.
-
Sar pes študinel e Biblija? sas kerdo avka, kaj o manuša te kamen te študinel e Biblija a odphenel pre oda, so šaj phučen o manuša pal o študijum. Tiš phenel, so kampel te kerel, te vareko kamel te študinel.
-
Chudas te sikhľol la Biblijatar sas kerdo predal ola, save chudne te študinel e Biblija. The te kada videjo hino pre dujto sera andre kňižka Nekfeder dživipen akanastar pro furt!, šaj les mukhen the paš e brožura Nekfeder dživipen akanastar pro furt!. O videjo sikavel, pal soste hiňi e kňižka the sar dičhola lengero študijum.
The te paš sako jekh videjo hin phendo, kana les te mukhel, te pes del, šaj mukhes abo bičhaves, savo kames. Mište tuke dikh, pal soste hine savore videji, kaj te džanes lenca so nekfeder te kerel.
