Amare pheňa čačes keren but predal o Jehovas. (Ža 68:11) Sikhľaren but manušen andal e Biblija. Buter le beršeskere (praviďelne) prjekopňikendar hine amare pheňa. Igen but pheňa služinen andro Beteli, sar misijonarki, pre amare stavbi abo prethovkeren andre varesavi čhib. Pheňa, so dživen pal oda sar kamel o Del, zoraľaren peskeri fameľija the o zboros. (Prí 14:1) O pheňa našťi služinen sar zborova phuredera aňi sar o phrala, so pomožinen le zborove phurederenge. Aľe the avka šaj keren mek aver buťa. Te sal pheň, so šaj keres?

• Ker sa, kaj tiri natura te el mek feder (1Ti 3:11; 1Pe 3:3–6)

• Pomožin varesava pheňake andro zboros, so nane but andro čačipen (Tít 2:3–5)

• Ker vareso, kaj te aves feder andre služba, abo kaj te phires andre služba mek buter

• Sikhľuv nevi čhib

• Dža odoj, kaj kampel mek buter te zvestinel

• De tuke e prihlaška andro Betel abo pro stavbi

• De tuke e prihlaška andre škola prekal ola, so zvestinen pal o kraľišagos

DIKH O VIDEJO PHEŇA, SO KEREN BARI BUŤI PREDAL O RAJ A PAĽIS VAKEREN JEKHETANE:

• Andre soste tut zoraľarďa dojekh pheň andre kada videjo?