O modľitbi, save o Jehovas šunel avri, hine sar kaďidlos, so šukares pachinel, savo furt labarenas anglal o Jehovas andro chramos. (Ža 141:2) Sam igen rade, hoj šaj avas lačhe amare ňebeskone Dadeha! Sar oda šaj sikavas andre amare modľitbi? Avka, te leske andro modľitbi phenas, hoj les igen rado dikhas, sostar daras, the so hin amenge andro jilo. Tiš te les mangas, kaj amen te ľidžal a na bisteras leske te paľikerel. O Jehovas rado šunel amare modľitbi anglal o zboros, bo avka leske služinas. Aľe igen radisaľol amare modľitbendar akor, te sam leha korkore a čhivas leske avri calo amaro jilo a te vakeras leha buter časos. (Prí 15:8)

DIKHEN O VIDEJO E MODĽITBA HIN CALO MIRO DŽIVIPEN A VAKEREN JEKHETANE:

• So savoro kerelas o phral Johnson andre služba le Jehovaske?

• Sar pes o phral Johnson mukhelas pro Jehovas andre modľitba?

• So sikhľiľal olestar, so zadžiďiľa o phral Johnson?