SIKHĽUVAS FEDER TE ZVESTINEL | LA SLUŽBATAR RADISAĽUV MEK BUTER
Pomocki prekal o študijum
Paľikeras le Jehovaske, hoj hin amen ajci but videji, letaka, časopisa, brožuri, kňižki the oda nekbareder – e Biblija, kaj te džanas, so nekfeder te sikhľarel le manušen. (2Ti 3:16) Tiš hin amen pomocki, prekal save feder achaľuvas o teksti andre Biblija. Hin oda: Watchtower Library, aplikacija JW Library®, Watchtower ONLINE LIBRARY™ the Pomôcky na vyhľadávanie v publikáciách Jehovových svedkov.
Aveha hotovo, te dikheha, so savoro arakheha pal o biblicka teksti andre pomocki prekal o študijum. Sikhľar tire zaujemcen, kaj te džanen oleha te kerel. Paľis dikheha, sar lengere jile zalabona, kana korkore arakhena oda, so kamen te džanel andal e Biblija.
DIKH O VIDEJO PRILE POMOCA LE JEHOVASTAR, KAJ TE RADISAĽOS, HOJ KERES LE UČEŇIKEN – POMOCKI PREKAL O ŠTUDIJUM A PAĽIS VAKEREN JEKHETANE:
-
So phenďa e Rous pal oda, ko amen kerďa?
-
Kaj arakhľa e Nita buter pal oda, so vakerelas e Rous?
-
Te študineha a vakereha pal oda, so arakhľal andre Biblija, ela tut andro jilo baro radišagos
Sar e Nita kidelas avri oda nekfeder, kaj la Rous te chudel le jilestar?
-
Sar sas la Nitake, te arakhľa oda, so rodelas?
