O Jehovas amenge podel o vast avka, hoj amen diňa le phralen the le pheňen „pal calo svetos.“ (1. Petra 5:9) On amenge pomožinen, kaj te džanas mek feder te zvestinel. O apoštol Pavol sas tiš igen rado, hoj leske pomožinenas Akvila, Priscila, Sílas, Timotej the aver. (Sk. 18:1–5)

Andre soste amenge o phrala the pheňa šaj pomožinen andre služba? Šaj amen den goďi, so te kerel, te vareko phenel vareso proci. Tiš, sar šaj das varekaha pale duma abo sar te zachudel o študijum. Rozmišľin, ko tuke šaj pomožinel andro tiro zboros. Ma ladža tut, aľe šukares les mang, kaj tuke te pomožinel oleha, so tuke kampel andre služba. Bizovňe oda sodujdženen podhazdela a anela radišagos. (Fil. 1:25)

DIKH O VIDEJO PRILE POMOCA LE JEHOVASTAR, KAJ TE RADISAĽOS, HOJ KERES LE UČEŇIKEN – AMARE PHRALA A PAĽIS VAKEREN JEKHETANE:

• So kerelas e Nita, kaj e Rous te avel pro zhromažďeňe?

• Soske hin mištes te vičinel aver phralen the pheňen pro študijum, so ľidžas?

• Andre soste peske bešle e Rous la phura pheňaha Abigail?

• So tut šaj sikhľaren o phrala the pheňa, kaj feder te zvestines?