Hin oda baro daros, te chudas nevi brožura the kňižka, savenca ľidžas o študija! Mangas le Jehovas, kaj amenge te pomožinel te ľidžal ala študija dži ko boľipen. (Mat 28:18–20; 1Ko 3:6–9) Sar šaj keras neva brožuraha the kňižkaha?

Sigeder, sar chudas varekaha te študinel e Biblija prekal e brožura Nekfeder dživipen akanastar pro furt!, dikh, so kampel anglal te kerel, kaj lačhes te ľidžas o biblicko študijum. *

• Pregen tuke caľi lekcija a paľis vakeren jekhetane pal o otazki

• Pregen biblicka teksti, kaj hin „Pregen“. Paľis pomožin le zaujemcoske, kaj ole tekstenge te achaľol

• Mukh o videji a paľis rozkiden o otazki, so ke lende hine

• Pro dojekh študijum predža caľi lekcija

Te andre služba kames te džanel či oda manuš kamel te študinel, sikav leske kadi brožura. (Dikh o ramčekos „ Sar šaj des paš o peršo duma e brožura Nekfeder dživipen akanastar pro furt!“) Sar pregeľan e brožura a o zaujemcas kamel te sikhľol dureder, de leske e kňižka a chuden la lekcijatar 04. Te imar varekaha študines e kňižka Sikhľuvas abo Zachovávajte sa v Božej láske, predžan pre kňižka Nekfeder dživipen akanastar pro furt! a kide avri, khatar sikhľona dureder.

MUKH O VIDEJO CHUDAS TE SIKHĽOL LA BIBLIJATAR A PAĽIS VAKEREN JEKHETANE:

• So sikhľona o zaujemci andal e nevi kňižka?

• Soske hin lačhes, te ada videjo sikaveha neve manušeske, kaha chudňal te sikhľol?

• Sar šaj podhazdes le zaujemcas, kaj andro dživipen te kerel oda, so kamel o Jehovas? (Dikh e tabuľka: „ Andre dojekh kotor: Dodžan tut a Kam te kerel“.)