Lačho manželstvo ašarel le Jehovas a anel radišagos le romeske la romňake. (Mar 10:9) Te kamas peske mište te kidel avri le romes la romňa, kampel amenge te doľikerel o lava andal e Biblija. Avka amaro manželstvo ľikerela avri a avaha jekhetane bachtale.

Te kames varekaha te phirel, feder ela, te užareha, sar tuke predžana tire „terňipnaskere berša“, kana igen labol oda, so kamel tiro ťelos. Bo oda šaj doperel avka, hoj tuke namište kideha avri. (1Ko 7:36) Te sal mek korkoro, ker sa, kaj te aves lačho le Jehovaha a kaj te aves feder manuš. Avka tut šaj pripravines pre oda, kaj te aves lačho rom, lačhi romňi.

Ma siďar oleha, sar leha vera varekaha. Lačhes rozmišľin pal oda, savo hin čačes andro jilo. (1Pe 3:4) Te dikhes, hoj hin pre leste vareso, so našťi zľikereha, vakeren pal oda jekhetane. Avka sar maškar lačhe kamarata, the andro manželstvo furt dikh pre koda, so kampel ole avreske a na ča pre koda, so kampel tuke. (Fil 2:3, 4) Te tut ľikereha le lavendar andal e Biblija, pripravineha tut pro šukar the bachtalo dživipen andro manželstvo.

DIKHEN O VIDEJO KAMES TE SOLACHAREL? – KOTOR 3: HIN ODA KODA ČAČUNO? A PAĽIS VAKEREN JEKHETANE:

• E pheň phirelas le phraleha. Sar oda peršo dičholas?

• Pre soste oj paľis avľa, sar les feder prindžarelas?

• Sar lake pomožinde e daj o dad a so goďaver oj paľis kerďa?