E GOĎI PREDAL AMARO DŽIVIPEN
Sar šaj keres so nekfeder la kňižkaha „Nekfeder dživipen akanastar pro furt!“?
Rado mukhes o videji the phučes goďaver otazki, so hine andro Nekfeder dživipen akanastar pro furt!? A hine tuke pre dzeka tiš kotora „Vareko šaj phenel“, „Kam te kerel“ abo „Dikh tuke buter“? So mek andre kadi kňižka tuke šaj pomožinel te kerel učeňiken? (Mat 28:19, 20)
„Savoro“: Te varekaha študines andal e papirovo kňižka, kaj šaj lokes arakhes o videji, o članki the savoro, so tuke kampel ke lekcija? Phuter tuke e kňižka andro JW Library abo pro jw.org a kide tuke avri jekh štare kotorendar. Dža dži tele a phuter tuke savoro, so hin ke kada kotor. (Dikh obrazkos 1.)
„Tlačený formát“: Te ľidžas o študijum prekal o JW Library, varekana šaj tuke pomožinel, te tuke dikhes, sar oda dičhol andre papirovo kňižka. Phuter tuke e lekcija, upre klikňin pro trin bodki a kide tuke avri „Tlačený formát“. Avka feder dikheha, sar kada kotor bešel savoreha andre lekcija. Te kames oda te phandel, pale klikňin pre ola trin bodki a kide tuke avri „Elektronický formát“.
„Šaj imar?“: Kala ramčeki pro agor la kňižkake sikaven, so kampel te kerel le manušeske, savo kamel te phirel andre služba le zboroha abo kamel te del pes te bolel. (Dikh obrazkos 2.)
Poznamki: O poznamki buter rozkiden varesave kotora andal o lekciji. Andro JW Library the pro jw.org hin tel dojekh poznamka o odkazis, čiže o linkos, savo tut čhivela pale andre kodi lekcija, kaj salas. (Dikh obrazkos 2.)
Ma bister, hoj te študines varekaha, ko barol andro paťaviben, kames leha te predžal savore lekciji andre kňižka Nekfeder dživipen akanastar pro furt!, the te imar diňa pes te bolel sigeder, sar pregeľan caľi kňižka. The te hin imar boldo, dureder tuke šaj pisines o ori the hoj leha pale des duma the o študijum. O phral abo e pheň, ko tuha phirel pre kada študijum a jekhetane tuha sikhľarel, peske tiš šaj pisinel o ori.
