Pre hlavno stranka jw.org hine o članki the o videji, save hine kidle avri, kaj te chuden o jile le lačhe manušenge, save nane le Jehovaskere svedki. (Sk 13:48) Kala članki the videji hine pal oda, so pes ačhiľa andro svetos the pal soste vakeren o manuša.

Sar tuke šaj pomožinel e hlavno stranka jw.org andre služba?

• Furt dikh, so hin nevo pre stranka. Dikh, save članki the videji hine akana kidle avri. Premišľin, sar oleha varekaske šaj pomožines andre služba. (Te kames te dikhel, so sas sigeder pre hlavno stranka, klikňin pro „Dikh buter“.) Te džaneha, so hin pre hlavno stranka, furt tut ela vareso nevo, pal soste šaj vakeres le manušenca.

• Rode odoj članki abo videji, save tuke pomožinena te kidel peske avri, sar chudeha te vakerel le manušenca. Te tuke dikhes amari stranka, šaj tuke avel pre goďi vareso, pal soste premišľinen o manuša khatar tute.

• Sikav le manušenge e hlavno stranka. Kide lenge avri varesave članki abo videji a sikav lenge, sar peske korkore šaj arakhen pre stranka, so kamen.

• Bičhav o odkazis, čiže o linkos. Varesave manuša pes ladžan amenca te vakerel, aľe rado bi peske dikhenas amari stranka. Vašoda te pes del, ma dara lenge te bičhavel o odkazis pre hlavno stranka abo pre varesavo člankos abo videjo, savo odoj hin.