7. – 13. oktobros
ŽALM 92–95
Giľi 84 the modľitba | Perša lava (1 min.)
1. Te služinel le Jehovaske hin oda nekfeder!
(10 min.)
O Jehovas peske zaslužinel, kaj les te ašaras (Ža 92:1, 4; w18.04-V 26 ods. 5)
O Jehovas del peskere manušenge baro goďaveripen (Ža 92:5; w18.11-V 20 ods. 8)
O Jehovas kamel olen, so leske služinen, the te hine phure (Ža 92:12–15; w20.01-V 19 ods. 18)
PHUČ PESTAR: „So mek mange kampel te kerel, kaj te dav miro dživipen le Jehovaske a te dav man te bolel?“
2. So šukar arakhľam andre Biblija
(10 min.)
-
Ža 92:5 – Sar kala lava sikaven, savo hino o Jehovas goďaver? (cl-V 176 ods. 18)
-
So lačho arakhľal ole kapitolendar andal e Biblija, so hine pre kada kurko?
3. Genas e Biblija
(4 min.) Mat 27:11–26 (th lekcija 5)
4. Varekaha chudes e duma
(4 min.) VAKERAS PAL O DEL, CHOČKAJ SAM. Te imar vakeres le manušeha, av pre oda, sar leske te phenel, hoj sikhľares avren andal e Biblija. (lmd lekcija 5 čislos 3)
5. Varekaha pale des duma
(3 min.) VAKERAS PAL O DEL, CHOČKAJ SAM. Phen le manušeske, hoj šaj študinel e Biblija, the te varekana oda na kamelas. (lmd lekcija 8 čislos 4)
6. Ľidžas o študijum
(5 min.) Vaker oleha, kaha študines, pal oda, hoj na kerel pokroki. (lmd lekcija 12 čislos 5)
Giľi 5
7. So akor, te o terne ciťinen andro jilo e dar, savi lenge na del te sovel?
(15 min.) Vaker le zboroha.
Ola, so služinen le Jehovaske varekana šaj ciťinen andro jilo e dar, savi lenge na del te sovel. The o kraľis David oda varekana zadživelas. (Ža 13:2; 139:23) Adaďives the o terne oda zadživen. Predal ola, so ciťinen ajsi dar, šaj el igen pharo te džal andre škola abo pro zhromažďeňe. Kajse manušen šaj en bare zachvati a šaj rozmišľinen pal oda, hoj pes murdarena.
Tumen terne, te vareso ajso zadživen, phenen oda la dake abo le dadeske. Abo varesave phuredere manušeske, saveske paťan. Ma bisteren oda te phenel the le Jehovaske. (Fil 4:6) O Jehovas tumenge pomožinela. (Ža 94:17–19; Iz 41:10) Dikhen, so zadžiďiľa o phral andal o videjo.
Mukhen o VIDEJO O Jehovas pes pal mande starinel a paľis vakeren jekhetane:
• Savo tekstos andal e Biblija pomožinďa le phraleske? Andre soste leske pomožinďa?
• Sar pes o Jehovas pal leste starinelas?
Tumen dajale dadale, šaj pomožinen tumare čhavenge avka, hoj len šunena avri a phenena lenge, hoj len igen kamen. Pomožinen lenge te dikhel, hoj o Jehovas len tiš igen kamel. (Tit 2:4; Jak 1:19) Zmukhen tumen pro Jehovas. A paťan oleske, hoj tumen dela zor the o smirom andro jilo, kaj tumen te džanen te pomožinel tumare čhavenge.
Šaj el, hoj amen na džanas, ko andro zboros zadživel odi dar, savi leske na del te sovel. Abo na džanas, so oda manuš ciťinel a predživel. Aľe so šaj keras? Sakoneske andro zboros presikavas o kamiben a na odcirdas pes ňikastar. (Pri 12:25; Heb 10:24)
8. Študinas e Biblija
(30 min.) bt kap. 16 ods. 6–9, ramčekos pre sera 132
